Fin de semana chea de música, maxia e moitas risas para os/as máis pequenos/as no Concello de Foz
Tres espectáculos para gozar en familia.
🎶 Cociñando música, co capitán Garfo.
Un concerto de pop electrónico onde un particular Capitán Garfo prepara un nutritivo e divertido menú musical co que a rapazada aprende de forma sinxela e motivadora uns bos hábitos alimentarios, a importancia dun almorzo saudable, a poñer unha mesa ou a facerse amigas e amigos das verduras e ensaladas.
🎩 Don Gelati, con Dani García.
Unha comedia máxica onde a expresión corporal substitúe ás palabras, e onde a comunicación co público é constante e dinámica. Un espectáculo de maxia de rúa, sinxelo e directo, con grande mobilidade, sen necesidades técnicas externas e practicamente sen límites para a fantasía.
🤹🏻♂️ Crunch! coa Compañía Muu.
Espectáculo de novo circo, de vellos amigos, de clown, de malabares diarios para chegar a fin de mes, de saltos mortais, de golpes e caídas coas que aprendemos e saímos adiante, e sobre todo de risas, que é o máis necesario. Ti non os ves, pero eles estante mirando.
XLII SEMANA DE CINE DE LUGO
Fonmiñá segue a traballar na organización da XLII Semana de Cine, que se confía celebrar do 23 ao 28 do próximo mes de novembro.
As proxeccións da Semana vanse celebrar no Auditorio Gustavo Freire (Pazo do festival), Biblioteca Provincial, Salón de actos da Deputación Provincial, Museo Interactivo da Historia de Lugo, Casa do Saber e O Vello Cárcere, axustándose en cada un dos lugares ás limitacións de aforo e demais condicionamentos derivados da especial situación que a pandemia do Coronavirus ten orixinado.
Por decisión da organización, por primeira vez na historia da Semana, todas as sesións –incluída a sección oficial- van ser gratuítas, e o horario será modificado para que as proxeccións rematen antes das 23,00 h. Dada a actual situación, non se prevé que na Semana se celebren proxeccións de películas infantís.
Para as sesións que se celebren na Biblioteca, Salón da Deputación, M.I.H.L., Casa do Saber e O Vello Cárcere, sempre gratuítas, prevese que a entrada sexa libre ata completar o aforo que naquel momento estea permitido. Para as sesións no Auditorio, a finais do próximo outubro abrirase un prazo de reserva das entradas gratuitas, accedendo á sala de proxección coa presentación do documento de identidade.
TEATRO INFANTIL EN MURAS COA OBRA “ROSALÍA”
A obra Rosalía lévanos á época da nenez da poetisa galega dunha forma irreal.
Ao contrario da súa infancia verdadeira esta moza ficticia, Rosalía, vive nun lugar máxico cheo de tesouros. Na obra ten unha amiga chamada Eduarda que lle canta dunha forma sarcástica para que saia do seu mundo máxico.
Intepretada por Rocío Diéguez e Cristina Collazo.
Día e Hora: Sábado, 26 de setembro de 2020 ás 17:00 horas.
Lugar: Local Social de Muras
Entrada: Gratuíta.
COÑECES a Cova de Eirós?
Para o que aínda non a coñeza, trátase do xacemento arqueolóxico máis importante de #galicia. Os homes neandertais e despois os humanos modernos deixaron nesta cova de #Concello de Triacastela numerosos rastros que permiten reconstruír os seus respectivos modos de vida.
Máis de 2.500 pezas arqueolóxicas, que comprenden sobre todo restos líticos -ferramentas- apareceron na cova. A presenza de ósos queimados con marcas de corte e percusión sobre a súa superficie indican que cazaban animais para logo procesalos dentro do xacemento, tanto para o seu consumo como para o aproveitamento das súas peles.
CONCERTO: “EN CLAVE DELAS”
A área de Cultura da @depulugo e a formación Lucus Ensemble presentaron o ciclo de concertos Tradición que inclúe actuacións ao aire libre pola provincia.
En #Ribadeo, a actuación será o 13 de setembro no parque de San Francisco, ás 13.00 h.
Logo virán as actuacións de A Pastoriza (26 de setembro, Praza do Concello, 18 horas) e a de Chantada (17 de outubro, dentro do Festival de Bandas de Música).
JORDAN MACKAMPA CONCERTO NO VELLO CÁRCERE
O cantante londinense, con ascendencia congolesa, non parou de crecer dende a publicación dos seus primeiros singles. Recoñece haber mamado a música que a súa nai lle poñía de pequeno (Curtis Mayfield, Bill Withers ou Marvin Gaye entre moitos outros) e todas esas influencias levounas ao seu terreo para crear cancións moi persoais que faranche adoralo.
Aclamado pola prensa de media Europa, chega a Galicia por primeira vez acompañado da súa banda para demostrar porqué é unha das novas (e mellores) voces do soul actual.
Día: 13 de setembro.
Horas: De 21:00 a 23:00 horas.
Entrada: Gratuíta.
VOCES DA PAULA
O ciclo musical “Sons da Paula”, que se desenvolverá todos os sábados con espectáculos temáticos, terá como colofón a celebración da gala musical “Voces da Paula” na que participarán cantantes profesionais e amaters de Mondoñedo. Será o sábado 17 de outubro, na Alameda dos Remedios.
A programación complétase coa celebración das XIII Xornadas do Peregrino, organizadas pola Asociación “Abrindo Camiño”, que terá lugar o venres, 2 de outubro, e o sábado 19 de setembro, “A Noite Romántica”, un evento simultáneo na rede de “Los Pueblos Más Bonitos de España”, día no que tamén se representará unha obra de teatro co título “Tal vez soñar” de Hilo Producciones.
Fotaza
¿Quénes somos?
Equipo de traballo centrado na proxección da cultura lucense, no achegamento do público aos eventos culturais e na posta en valor do patrimonio cultural.
¿Qué facemos?
Promocionar o capital cultural da provincia de Lugo, fomentar o seu descubremento, promocionar a súa visita, divulgar o seu valor e concienciar sobre a súa capital importancia.
¿Cómo o facemos?
Selección, redacción e difusión de información de índole cultural, transmisión de eventos das asociacións lucenses , elaboración de revistas dixitais e organización de actividades culturais.
